kim ayam kaśādiḥ āhośvit khayādiḥ .

cakṣiṅaḥ kśāñkhyāñau .

cakiṅaḥ khyāñ kaśādiḥ khayādiḥ ca .

khaśādiḥ vā .

atha vā khaśādiḥ bhaviṣyati .

kena idānīm kaśādiḥ bhaviṣyati .

cartvena .

atha khayādiḥ katham .

asiddhe śasya yavacanam vibhāṣā .

asiddhe śasya vibhāṣā yatvam vaktavyam .

kim prayojanam .

prayojanam sauprakhye vuñvidhiḥ .

sauprakhyaḥ iti yopadhalakṣaṇaḥ vuñvidhiḥ na bhavati .

sauprakhyīyaḥ .

vṛddhāt chaḥ bhavati .

niṣṭhānatvam ākhyāte .

ākhyātaḥ iti niṣṭhānatvam na bhavati .

ruvidhiḥ puṅkhyāne .

puṅkhyānam iti ruvidhiḥ na bhavati .

ṇatvam paryākhyāte .

paryākhyānam iti ṇatvam na bhavati .

sasthānatvam namaḥ khyātre .

namaḥ khyātre iti sasthānatvam na bhavati.