arthagrahaṇam kimartham .

ṣaṣṭhī ataspratyayena iti ucyamāne iha eva syāt .

dakṣiṇato grāmasya uttarato grāmasya iti .

iha na syāt .

upari grāmasya upariṣṭāt grāmasya iti .

arthagrahaṇe punaḥ kriyamāṇe ataspratyayena ca siddham bhavati yaḥ ca anyaḥ tena samānārthaḥ .

atha pratyayagrahaṇam kimartham .

iha mā bhūt .

prāk grāmāt pratyak grāmāt .

añcūttarapadasya api etat prayojanam uktam .

tatra anyatarat śakyam akartum .