bhasañjñāyām uttarapadalope ṣaṣaḥ pratiṣedhaḥ .

bhasañjñāyām uttarapadalope ṣaṣaḥ pratiṣedhaḥ vaktavyaḥ .

anukampitaḥ ṣaḍaḍguliḥ ṣaḍikaḥ .

siddham acaḥ sthānivattvāt .

siddham etat .

katham .

acaḥ sthānivadbhāvāt bhasañjñā na bhaviṣyati .

iha api tarhi prāpnoti .

vāgāśīrdattaḥ vācikaḥ iti .

vakṣyati etat : siddham ekākṣarapūrvapadānām uttarapadalopavacanāt iti .

iha api tarhi prāpnoti ṣaḍaḍguliḥ ṣaḍikaḥ iti .

vakṣyati etat : ṣaṣaḥ ṭhājādivacanāt siddham iti .

nabhoṅgiromanuṣām vati upasamkhyānam .

nabhoṅgiromanuṣām vati upasamkhyānam kartavyam .

nabhasvat aṅgirasvat manuṣvat .

vṛṣaṇ vasvaśvayoḥ .

vṛṣaṇ iti etasya vasvaśayoḥ bhasañjñā vaktavyā .

vṛṣaṇvasuḥ vṛṣaṇaśvasya yat śiraḥ vṛṣaṇaśvasya mene .