tato vandi-vaktrāt, yathā— / dūtī-vaktrāt, yathā—
āviṣkṛte tava mukunda mayā prasaṅge
tārāvalī pulakitāṅga-latā natākṣī |
śuśrūṣur apy alaghu-gadgada-ruddha-kaṇṭhī
praṣṭuṁ tavākṣamata sā na kathā-viśeṣam ||
Translation
Commentary
Jīva Gosvāmī
Locana-rocanī
Viśvanātha Cakravartī
Ānanda-candrikā
vṛndā śrī-kṛṣṇam āha—āviṣkṛte iti ||
Viṣṇudāsa
Svātma-pramodinī
śrī-kṛṣṇeṅgitam ālakṣya tārāvalī-nāmnyāḥ yūtheśvaryāḥ sannidhim āptayā vṛndayā kutaścit prasaṅgāt śrī-kṛṣṇasya nirupama-guṇa-rūpa-mādhuryādau prastute sati tārāvalyā yad adhyavasitam, tat sarvaṁ sā śrī-kṛṣṇa-savidham āgatya nivedayati |
āviṣkṛte prastute sati natākṣī lajjayā nate namrībhūte akṣiṇī tad-upalakṣita-mukham eva yasyāḥ sā |
śuśrūṣuḥ śravaṇecchā-yuktāpi sā tārāvalī tava kathā-viśeṣaṁ praṣṭuṁ nākṣamata nāśaknot |
atra hetu-garbha-viśeṣaṇam—gadgadena harṣaja-vaisvaryeṇa sāttvikena ruddhaḥ āvṛtaḥ kaṇṭho yasyāḥ sā ||