praṇaya-svarūpasyāpi viśrambhasya pṛthak-kathane hetum āha—janitveti śloka-dvayena |
kutracid viṣaye aśnute prāpnoti |
ato hetoḥ praṇaya-mānayor anyo’nyaṁ kārya-kāraṇatā ca |
kutracit praṇayasya mānaḥ kāryam, evaṁ mānasya praṇayaḥ kvacit kāryam ity arthaḥ |
iti hetoḥ pṛthak praṇayād bhinnā |
ayaṁ bhāvaḥ—praṇaya-mānayor utpattau paurvāparī-bhāvāniyamād yadi kutracit snehānantaram eva praṇayotpattiḥ syāt, tadā tat-svarūpasya viśrambhasyodāharaṇaṁ vinā kutas taj jñānaṁ bhavatu ? grantha-krame snehānantaraṁ mānasyodāhṛtatvāt ||