vācika-kauṭilyaṁ tena prathamaṁ kauṭilyaṁ mānasaṁ kāyikaṁ ca jñeyam |
rāsāntardhānānte śrī-kṛṣṇam ālokayantyāḥ śrī-rādhāyā mānavatyāś ceṣṭitaṁ śrī-śuka-devo varṇayati—bhrūkuṭim ābadhya, ā samyak pragāḍhatayā, na tu śaithilyena baddhvā |
dhanuṣīva śaraṁ sandhāyety arthaḥ |
prema-saṁrambha-vihvaleti citta-dravo mānaś ca vyañjitaḥ |
kaṭākṣepaiḥ kaṭākṣa-nikṣepair iti kaṭākṣasya śaratvam āropitam |