Premabase · Ujjvala-nīlamaṇi · Prakaraṇa 14
Show
SanskritHindiEnglish
Script
IASTदेवनागरीবাংলা
Commentary
JīvaViśvanāthaViṣṇudāsa
UN 14.17-18
← 14.1614.19 →
atha sambandhaḥ—
sambandhaḥ kula-rūpādi-sāmagrī-gauravaṁ bhavet ||
vīryaṁ kandukitādri-rūpam akhila-kṣmā-maṇḍalī-maṇḍanaṁ
janmābhīra-purandarasya bhavane pāre-parārdhaṁ guṇāḥ |
līlā kvāpi jagac-camatkṛti-karīty etasya lokottarā
vṛttir veṇu-dharasya durmukhi dhṛtiṁ kasyāḥ kṣaṇaṁ rakṣati ||
Translation
— translation pending —
Commentary
Jīva Gosvāmī
Locana-rocanī
sambandha-śabdenātra sambandha-hetur lakṣyate |
gauravam ādhikyam ||
vīryam iti |
kasyāścid vraja-kumāryā vacanam ||
(16)
Viśvanātha Cakravartī
Ānanda-candrikā
kula-rūpa-śaurya-sauśīlyādīnāṁ sāmagrī samagratvaṁ tasyā gauravaṁ kulādīnāṁ sampūrṇatvādhikyam ity arthaḥ ||
kulāṅganāyās tava para-puruṣe ratir nociteti tat-prema-parīkṣārthaṁ vadantīṁ sakhīṁ prati kācid āha—vīryam iti |
he durmukhīti |
yad eva mukhe āyāti, tad eva tvaṁ brūṣe |
buddhis tu tava nāsty eveti bhāvaḥ |
vṛttiś caritraṁ |
kandukitaḥ kanduka-sadṛśī-kṛto’drir yasmāt tad vīryaṁ parākramaḥ |
parārdhasyāpi pāre guṇā gaṇayitum aśakyā ity arthaḥ |
veṇudharasyeti |
yadyapi pūrvokteṣu vīrya-rūpādiṣu manaḥ-praṇidhānam akurvatyā mayā kathañcit dhṛtiḥ saṅgopyate, tad api veṇunaiva balād eva smāritāni tasya sādguṇyādīni me ratim utpādayantīti bhāvaḥ ||
(16)
← 14.1614.19 →