vrajāyoddhava-prasthāpana-samaye pūrvam akrūre vrajaṁ prāpte tāsāṁ tad-daśā-ceṣṭitam anusmṛtya śrī-kṛṣṇas taṁ praty anuvadati |
gāndineyasya akrūrasya anubandho nirbandhaḥ |
abhyarthanam evāha—puṣpair iti yasyā muhur mālatyāḥ akaravaṁ kṛtavaty asmi |
lalita-mādhave ca— praṇaya-maṇi-karaṇḍikā murāreḥ śiva śiva jīvitam eva rādhikāyāḥ |
iyam api lalitā drutaṁ sakhedā śikharadatī śikharād gireḥ papāta ||
[la.mā. 5.58] mandamhida-maarande paara-maara-kaṇṇiā sirīsaraṇe |
tassiṁ bia muha-padume bhamara-u maha paḍibhaaṁ ṇaaṇam ||
[la.mā. 5.34] āli kālia-daheṇa diṭṭhiṇo rañjaṇaṁ ghaṇa-taraṅga-bhaṅgiṇā |
sāmalujjala-bhuaṅga-maṇḍalī- saṅgiṇā maha cireṇa kijja{i} ||
[la.mā. 10.19] gatir jātā yā me cira-virahiṇaḥ prāṇa-śakuner ghana-cchāyām etāṁ parimalavatīṁ mūrti-latikām |
kṣipantī sadyas tvaṁ phaṇi-viṣa-kṛśānau kṛśatarāṁ kaṭhore nākārṣīr mayi kim anukampā-lavam api ||
[la.mā. 10.21] kṛṣṇa-bhujaṅgam ihāhaṁ vidhinābhimataṁ kilānukūlena |
cira-rātrāya kṛteyaṁ yātrā mama yātanāvalibhiḥ ||
[la.mā. 10.22] trāsitendiram amanda-mādhurī- kandalair vapur apūrvam ujjhatī |
bandhurāṅgi jagad eva kiṁ vṛthā bandhya-netram asi kartum udyatā ||
[la.mā. 10.24] bhajantī niṣkṛpe rāgād bhogināṁ svayam āśiṣaḥ |
bhoginaṁ māṁ kim āśīrbhyas tvaṁ vārayitum udyatā ||
[la.mā. 10.25] pūrva-rasāmṛte— prāyo’tra maraṇāt pūrvā citta-vṛttir mṛtir matā |
mṛtir atrānubhāvaḥ syād iti kenacid ucyate |
kintu nāyaka-vīry ārthaṁ śatrau maraṇam ucyate ||
[bha.ra.si. 2.4.102] iti ||