Premabase · Śrīmad Bhāgavatam · Canto 1 · Chapter 19
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.19.36
← 1.19.351.19.37 →
anyathā te’vyakta-gater darśanaṁ naḥ kathaṁ nṛṇām |
nitarāṁ mriyamāṇānāṁ saṁsiddhasya vanīyasaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
anyathā śrī-kṛṣṇa-prasādaṁ vinā |
avyaktā gatir yasya |
mriyamāṇānāṁ nitarāṁ kathaṁ syāt ? vanayitā yācayitā vanayitṛtamo vanīyāṁs tasya, atyudāratayā māṁ yācethā iti pravartakasyevety arthaḥ ||
Jīva Gosvāmī
kṛṣṇa-sandarbhaḥ, 48
te tava śrī-kṛṣṇasyaika-rasikasya vanīyasaḥ atyudāratayā māṁ yācethā iti pravartakasyety arthaḥ ||
Jīva Gosvāmī
krama-sandarbhaḥ
vanīyasa iti tu cchandasīti hi tṛn tṛjantādiṣṭheya-sūnau bhavataḥ, turiṣṭhemayaḥsu [pā. 6.4.154] iti ca tu-śabdasya lopaḥ syāt |
tato nimittābhāve naimittikasyāpy abhāvāt ṭer lopāś ca sidhyanti ||
Viśvanātha Cakravartī
sārārtha-darśiṇī
vanayitā yācayitā vanayitṛtamo vanīyān |
turiṣṭhemayaḥsu [pā. 6.4.154] iti tu-śabdasya lopaḥ |
tato nimittāpāye naimittikasyāpy apāyāt ṭer lopāc ca vanīyān iti siddhyati |
tasya atyudāratayā māṁ yācasveti pravartakasyety arthaḥ ||
Baladeva Vidyābhūṣaṇa
vaiṣṇavānandinī
anyathā kṛṣṇaś cen-na preṣayet-tarhi te darśanaṁ naḥ kathaṁ? vanīyaso'tyudāratayā māṁ yācasva iti pravartayataḥ ity arthaḥ |
vanu yācane dhātuḥ, tasmād-dhetum aṇṇyantāt tṛci vanayitā, tataḥ kriyāvācakād api tuś chandasi iti sūtrādīyasuni tur iṣṭemeyaḥsu iti sūtrāt-tṛ-śabdasya lopaḥ, tato nimittābhāve naimittikasyāpy abhāvaḥ iti nyāyādiṭo nivṛttiḥ, ṭerlopāṇ-ṇicaś ca, tato vanīyānn iti pada-siddhiḥ ||
← 1.19.351.19.37 →