Premabase · Śrīmad Bhāgavatam · Canto 1 · Chapter 19
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.19.32-33
← 1.19.311.19.34 →
parīkṣid uvāca
aho adya vayaṁ brahman sat-sevyāḥ kṣatra-bandhavaḥ |
kṛpayātithi-rūpeṇa bhavadbhis tīrthakāḥ kṛtāḥ ||
yeṣāṁ saṁsmaraṇāt puṁsāṁ sadyaḥ śuddhyanti vai gṛhāḥ |
kiṁ punar darśana-sparśa- pāda-śaucāsanādibhiḥ ||
Translation
— translation pending —
Commentary
Śrīdhara Svāmī
bhāvārtha-dīpikā
sūnṛtāṁ girim āha—aho iti pañcabhiḥ |
satāṁ sevyā jātāḥ |
yataḥ atithi-rūpeṇa hetunā tīrthakā yogyāḥ kṛtāḥ ||
33||
Jīva Gosvāmī
krama-sandarbhaḥ
satāṁ sadācārāṇāṁ sevyā ādara-yogyāḥ ||
32-33||
Viśvanātha Cakravartī
sārārtha-darśiṇī
tad evāha—aho ity aṣṭabhiḥ |
he brahman! kṣatra-bandhavo vayaṁ satāṁ sevyā ādaraṇīyā jātāḥ, yato’tithi-rūpeṇa bhavadbhis tīrthakāḥ kṛṭaḥ pavitrīkṛtāḥ ||
yeṣāṁ smaraṇāt yat-kartṛkāt yat-karmakād vā |
gṛhā api kiṁ punaḥ kalatra-putra-dehāḥ ||
Baladeva Vidyābhūṣaṇa
vaiṣṇavānandinī
tāṁ giram āha—aho iti pañcabhiḥ |
kṣatra-bandhavo'pi vayam adya sat-sevyāḥ, santaḥ sevyāḥ yeṣāṁ te sat-sevādhikāriṇo jātā ity arthaḥ |
tīrthakā iti tīrthāni kṛtāni, svārthikāḥ prakṛtito liṅga-vacanānyativartante iti bhāṣyokteḥ puṁstvam |
yatra bhavatām āgamas tan-nindyam api sthānaṁ jana-pāvanaṁ bhavatīty arthaḥ ||
yeṣām iti yat-karmakād-yat-kartṛkād vā smaraṇād ity arthaḥ, gṛhā api kiṁ punaḥ dārāpatya-śarīrāṇīty arthaḥ ||
← 1.19.311.19.34 →