Śrīmad Bhāgavatam 1.18.10

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.18.10

yā yāḥ kathā bhagavataḥ kathanīyoru-karmaṇaḥ |
guṇa-karmāśrayāḥ pumbhiḥ saṁsevyās tā bubhūṣubhiḥ ||

Translation

— translation pending —

Commentary

Śrīdhara Svāmī

bhāvārtha-dīpikā

kiṁ bahunā narair etāvad eva kartavyam iti sarva-śāstrārtha-sāraṁ kathayati—yā yā iti |

kathanīyāny urūṇi karmāṇi yasya tasya guṇa-karma-viṣayāḥ |

bubhūṣibhiḥ sad-bhāvam icchadbhiḥ ||

Jīva Gosvāmī

krama-sandarbhaḥ

yā yās tāḥ sarvā api |

kim uta śrī-vasudeva-nandana-sambandhinya ity arthaḥ |

guṇa-karmāśrayās tat-tad-guṇa-sūcaka-karmāśrayāḥ ||

Viśvanātha Cakravartī

sārārtha-darśiṇī

bubhūṣubhiḥ sva-sattām icchadbhiḥ |

anyathā jīvan-mṛtatvaṁ syād iti bhāvaḥ ||

Baladeva Vidyābhūṣaṇa

vaiṣṇavānandinī

bubhūṣubhiḥ sattām icchubhiḥ, itarathā jīvanmṛtatāpattiḥ ||