Śrīmad Bhāgavatam 1.17.15

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.17.15

anāgaḥsv iha bhūteṣu ya āgas-kṛn niraṅkuśaḥ |
āhartāsmi bhujaṁ sākṣād amartyasyāpi sāṅgadam ||

Translation

— translation pending —

Commentary

Śrīdhara Svāmī

bhāvārtha-dīpikā

etasya daṇḍe’ham asamartha iti māśāṅkīr ity āha—anāgaḥsv iti |

āgaskṛd aparādha-kartā |

tasya amartyasya devasyāpi bhujam āhartāsmy āhariṣyāmi |

sāṅgadam ity anena mūlata utpāṭyāhariṣyāmīti darśitam ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

nanu yadi tvatto’pi mahā-prabhāvī balavāṁś ca syāt, tadā kiṁ bhavet ? ata āha—anāgaḥsv iti |

sākṣād amartyasyāpi devasyāpi |

sāṅgadam iti mūlata eva chittvā āhariṣyāmīti devāsura-narādiṣu mat-tulyo baliṣṭhaḥ prabhāvī vā ko’pi nāstīti bhāvaḥ ||

Baladeva Vidyābhūṣaṇa

vaiṣṇavānandinī

nanu tvatto'py atibalī cet syāt-tadā kiṁ bhāvi? tatrāha–anāgaḥsthiti |

sākṣād amarttasyeti—sa sura-manuṣyeṣu matsamo'tibalī na ko'pyastīti |

sāṅgadam iti mūlataś chittvāhartāśmīti bhāvaḥ ||