Premabase · Śrīmad Bhāgavatam · Canto 1 · Chapter 16
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.16.10
← 1.16.91.16.11 →
sūta uvāca
yadā parīkṣit kuru-jāṅgale’vasat
kaliṁ praviṣṭaṁ nija-cakravartite |
niśamya vārtām anatipriyāṁ tataḥ
śarāsanaṁ saṁyuga-śauṇḍir ādade ||
Translation
— translation pending —
Commentary
Śrīdhara Svāmī
bhāvārtha-dīpikā
tatra tāvat kali-nigraha-prasaṅgam āha—yadeti |
yadā jija-cakravartite sva-senayā pālite deśe kaliṁ praviṣṭaṁ śuśrāva, tadā tām anatipriyāṁ vārtāṁ kiṁcit priyāṁ ca yuddha-kautuka-saṁpatteḥ niśamya tataḥ śarāsanaṁ duṣṭa-nigrahārtham ādade |
saṁyuge śauṇḍir yuddhe pragalbhaḥ |
pāṭhantare yuddhe śauriḥ kṛṣṇa-tulyaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
yadā nija-cakra-vartite sva-senayā pālite deśe kaliṁ praviṣṭam eva anatipriyāṁ vārtāṁ taj-jighāṁsayā kiñcit priyāṁ ca niśamya śarāsanam ādade tadaiva purāt dig-vijayāya nirgata ity anvayaḥ |
atra praviṣṭaḥ kalir evānatipriyā vārtety anuvāda-vidheya-bhāvo vivakṣito jñeyaḥ |
śauṇḍiḥ pragalbhaḥ |
saṁyuga-śaurir iti pāṭhe saṁyuge śauri-tulyaḥ ||
Baladeva Vidyābhūṣaṇa
vaiṣṇavānandinī
nijacakreṇa svasainyena vartite pālite kuru-jāṅgale praviṣṭaṁ kaliṁ tasyān atipriyāṁ saṁyuga-śauṇḍitvāt kiñcit-priyāṁ vārtāṁ ca niśamya tataḥ śarāsanaṁ dhanur ādade, śauṇḍir nipuṇaḥ ||
← 1.16.91.16.11 →