Śrīmad Bhāgavatam 1.16.1

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.16.1

sūta uvāca

tataḥ parīkṣid dvija-varya-śikṣayā
mahīṁ mahā-bhāgavataḥ śaśāsa ha |
yathā hi sūtyām abhijāta-kovidāḥ
samādiśan vipra mahad-guṇas tathā ||

Translation

— translation pending —

Commentary

Śrīdhara Svāmī

bhāvārtha-dīpikā

tataś ca ṣoḍaśe bhūmi-dharmayoḥ kali-khinnayoḥ | saṁvāde varṇyate prāptiḥ pālakasya parīkṣitaḥ ||

dvija-varyāṇāṁ śikṣayā sad-upadeśena |

sūtyāṁ janmani |

abhijāta-kovidā jāta-karma-vidaḥ |

he vipra ! mahatāṁ guṇā yasmin saḥ ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

parīkṣito dig-vijayo dharma-praśnaḥ kṣitiṁ prati | tasyāḥ kṛṣṇa-viyuktāyāḥ śokoktiḥ ṣoḍaśe’bhavat ||

he vipra! tathaiva mahatāṁ guṇā yasmin saḥ abhūt ||

Baladeva Vidyābhūṣaṇa

vaiṣṇavānandinī

parīkṣitato digvijayo'tra ṣoḍaśe, praśnaś ca dharmasya vasundharāṁ prati | govinda-pādāmbuja-saṅga-vicyuteḥ, śokaś ca tasyā vividho'bhidhīyate ||

dvija-varyāṇāṁ śikṣayopadeśena, sūtyāṁ janmani |

abhijāta-kovidā daivajñā yathā samādiśann ūcus tathaiva parīkṣinmahad-guṇo'bhavat |

mahatāṁ yudhiṣṭhirādīnāṁ guṇā yasmin saḥ ||

1-2||