Premabase · Śrīmad Bhāgavatam · Canto 1 · Chapter 15
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.15.26
← 1.15.251.15.27 →
evaṁ baliṣṭhair yadubhir mahadbhir itarān vibhuḥ |
yadūn yadubhir anyonyaṁ bhū-bhārān sañjahāra ha ||
Translation
— translation pending —
Commentary
Śrīdhara Svāmī
bhāvārtha-dīpikā
evaṁ baliṣṭhair madadbhiḥ pāṇḍavair duryodhana-jarāsandhāsīn nihatya yadubhir itarān śālvādīn nihatya yadūn yadubhir anyonyaṁ nihatya bhagavān bhuvo bhāra-bhūtān saṁhṛtavān ||
Jīva Gosvāmī
krama-sandarbhaḥ
eṣām adharmikatvena bhāratvaṁ ca, bhū-bhāra-rāja-pṛtanā yadubhir nirasya [bhā.pu. 11.1.3] ity atraikādaśe parihariṣyate ||
Viśvanātha Cakravartī
sārārtha-darśiṇī
bhū-bhārān bhū-bhāra-bhūtān yadūn sañjahāra ity arjunādīn prati bhagavatā tal-līlāyās tathaiva pratyāyitatvāt |
tat-kāraṇaṁ tatraiva ekādaśyānte vyaktībhaviṣyati |
kiṁ ca, tad api bhū-bhāra-bhūtān yadūn ity arjunoktyā, na tu bhuvo’laṅkāra-bhūtān yadūn, tan-nitya-parikarāṇāṁ yadūnām |
ye tu devās tatraiva yadu-vaṁśāvatāreṇa praviśyodbhūtās teṣām api rajas-tamo-rahitānāṁ bhāratvena vaktum anucitānām api sva-sva-pada-prāpaṇāya tan-miṣeṇaivopasaṁhārārtham |
aṣṭādaśākṣauhiṇiko mad-aṁśair āste balaṁ durvisāhaṁ yadūnāṁ [bhā.pu. 3.3.14] ity uktavatā bhagavatā bhāratvāropaḥ kṛtaḥ ||
Baladeva Vidyābhūṣaṇa
vaiṣṇavānandinī
evaṁ mahadbhir valibhir yadubhir itarān bhūbhārān yadūn vibhuḥ sañjahāra |
ye'tra brahma-nirdeśād-devāṁśā yaduṣvavatīrṇās tān prākṛtān eva bhūbhārān sañjahāra, ye tu nitya-pārṣadā yadavaste khalu tad-bhārabhūtā na bhavanty api tu tad alaṅkṛtaya eva, na hi taruṇyā bhūṣaṇa-bhūmā bhāratvāyāpitu saukhyāyaiva, te hi sārddhaṁ tena dvārvatyam evāsannity ekādaśe vyākhyāsyāmaḥ ||
← 1.15.251.15.27 →