Śrīmad Bhāgavatam 1.15.4

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.15.4

sakhyaṁ maitrīṁ sauhṛdaṁ ca sārathyādiṣu saṁsmaran |
nṛpam agrajam ity āha bāṣpa-gadgadayā girā ||

Translation

— translation pending —

Commentary

Śrīdhara Svāmī

bhāvārtha-dīpikā

sakhyaṁ hitaiṣitām |

maitrīm upakāritām |

sauhṛdaṁ suhṛttvaṁ |

cāt saṁbandhitāṁ ca |

bāṣpeṇa kaṇṭhāvarodhād gadgadayā ||

Jīva Gosvāmī

krama-sandarbhaḥ

na vyākhyātam.

Jīva Gosvāmī

prīti-sandarbhaḥ 271

kṛṣṇo’rjunaḥ |

avikalpita iti cchedaḥ |

nānā-śaṅkāspadaṁ rūpam ālakṣya vikalpita ity arthaḥ |

śucaḥ śokāśrūṇi āmṛjya ca |

parokṣeṇa darśanāgocareṇa śrī-kṛṣṇena hetunā |

ata evāniṣṭa-śaṅkāyā abhāvāt nātra karuṇa-rasāvakāśaḥ |

tad-abhāvaś caiṣām aiśvarya-jñāna-samudbhāvināṁ bhavaty eva iti |

vañcito’ham ity-ādikaṁ vakṣyamāṇaṁ vilāpam ||

1-4||

Viśvanātha Cakravartī

sārārtha-darśiṇī

premṇā paraspara-prāṇatvaṁ paraspara-hitaiṣitvaṁ sakhyam |

maitrīṁ dāsya-miśraṁ sakhyam |

sauhṛdaṁ vātsalya-miśraṁ sakhyam ||

Baladeva Vidyābhūṣaṇa

vaiṣṇavānandinī

premṇā mithaḥ-prāṇatvaṁ sakhyaṁ, dāsya-miśraṁ tan-maitrī, vātsalya-miśraṁ tat sauhṛdam ||