Premabase
·
Śrīmad Bhāgavatam
·
Canto 1
· Chapter 14
Show
Sanskrit
Hindi
English
Script
IAST
देवनागरी
বাংলা
Commentary
Madhvācārya
Śrīdhara
Jīva
Viśvanātha
Baladeva
ŚB 1.14.1-2
← 1.13.60
1.14.3 →
sūta uvāca
samprasthite dvārakāyāṁ jiṣṇau bandhu-didṛkṣayā |
jñātuṁ ca puṇya-ślokasya kṛṣṇasya ca viceṣṭitam ||
vyatītāḥ katicin māsās tadā nāyāt tato’rjunaḥ |
dadarśa ghora-rūpāṇi nimittāni kurūdvahaḥ ||
Translation
— translation pending —
Commentary
Madhvācārya
bhāgavata-tātparyam
māsa-śabdenāhāny ucyante |
tathā hi mahābhārate—
ahaṁ tu māsa-śabdoktaṁ yatra cintyāyutaṁ vrajet | evaṁ vatsaratādyaṁ ca viparīte viparyayaḥ ||
Śrīdhara Svāmī
bhāvārtha-dīpikā
caturdaśo tv ariṣṭāni dṛṣṭvā rājā viśaṅkitaḥ | aśṛṇod arjunāt kṛṣṇa-tirodhānam atīryate ||
kṛṣṇasya ceti ca-kāreṇābhiprāyaṁ ca jñātum ||
katicit sapta |
tadā kālātikrame’pi tato dvārakāto
nāyāt
nāgataḥ |
nimittāny
utpātān |
kurūdvaho
yudhiṣṭhiraḥ ||
Jīva Gosvāmī
krama-sandarbhaḥ
samprasthita iti |
aśvamedhārthaṁ
śrī-kṛṣṇasya punar āgamanāntaram iti jñeyam ||
dadarśeti |
vidurāgamanāt pūrvaṁ paraṁ ca vṛttam iti jñeyam ||
Viśvanātha Cakravartī
sārārtha-darśiṇī
caturdaśe nṛpo’paśyad ariṣṭāni bahūni yat | viveda tat-phalaṁ dṛṣṭvaivārjunaṁ khinnam āgatam ||
kṛṣṇasya ceti ca-kāreṇābhiprāyaṁ ca jñātum ||
katicit sapta |
nimittāni duḥkha-kāraṇāni ||
Baladeva Vidyābhūṣaṇa
vaiṣṇavānandinī
bahvar iṣṭekṣaṇād-rājā śaṅkito'bhūc-caturdaśe | tat-phalaṁ jñātavān dṛṣṭvaivāgataṁ khinnam arjunam ||
jiṣṇau arjune, kṛṣṇasya ceti cāttad abhiprāyaṁ ca ||
katicit sapta, nimittāni duḥkha-kāraṇāni ||
← 1.13.60
1.14.3 →