Śrīmad Bhāgavatam 1.11.23

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.11.23

prahvābhivādanāśleṣa-kara-sparśa-smitekṣaṇaiḥ |
āśvāsya cāśvapākebhyo varaiś cābhimatair vibhuḥ ||

Translation

— translation pending —

Commentary

Śrīdhara Svāmī

bhāvārtha-dīpikā

tadāha —prahveti |

prahvaṁ prahvatvaṁ śirasā natiḥ |

abhivādanaṁ vācā natiḥ |

āśvāsyābhayaṁ dattvā |

śva-pākān abhivyāpya varair abhīṣṭa-dānaiś ca mānaṁ kṛtavān ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

tad evāha—prahvatvaṁ śirasā natiḥ pitrādiṣu gargādiṣu ca |

abhivādanaṁ vācā natiḥ yadu-vaṁśyeṣu sthavireṣu |

āśv-apākebhyaḥ śvapāka-paryantān api janān āśvāsya abhayaṁ dattvā |

varair abhīṣṭa-dānaiś ca ||

Baladeva Vidyābhūṣaṇa

vaiṣṇavānandinī

prahvatvaṁ śirasā natiḥ vasudevādiṣu gargādiṣu ca, abhivādanaṁ vācā natiḥ yaduvaṁśyeṣu vṛddheṣu, āśleṣa-karasparśau sameṣu |

itareṣu smitekṣaṇāni, āśvapākebhyaḥ śva-pāka-paryantaṁ tān api janānāśvāsyābhayaṁ dattvā, varair abhīṣṭa-pradānaiś ca ||