yadyapy eṣāṁ guṇānāṁ sarveṣām api bhagavati nityatvam eva, tathāpi tat-tal-līlā-siddhy-arthaṁ teṣāṁ kvacit kasyacit prakāśaḥ kasyacid aprakāśaś ca bhavati |
ata evāha—aśrūyanta iti |
nirguṇasya madhya-pada-lopena nirgatā guṇebhyo guṇā yasya tasya, prākṛta-guṇātīta-nitya-guṇasya nānurūpāḥ nitya-tat-paripūrṇatvena lābhāntarāyogāt |
guṇātmanaḥ tad-āśīrvādāṅgīkāra-dvārā tat-tad-guṇa-viśeṣa-pravartaka-nivartakasya anurūpāś ca |
tad-aṅgīkāre hetuḥ—satyā iti |
tad evaṁ prakāśanāprakāśana-hetor eva śrī-bhagavataś candra-para-parārdhojjvalatādike saty api tal-līlā-mādhurya-vistārakas tamisrādi-vyavahāraḥ sidhyati ||