Premabase · Śrīmad Bhāgavatam · Canto 1 · Chapter 10
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.10.14
← 1.10.131.10.15 →
nyarundhann udgalad bāṣpam autkaṇṭhyād devakī-sute |
niryāty agārān no'bhadram iti syād bāndhava-striyaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
agārān niryāti nirgacchati sati |
autkaṇṭhyād āsakty-atiśayād dhetor udgalat sravad bāṣpam aśru nyarundhan netreṣv eva stambhitavatyaḥ |
tatra hetuḥ—abhadraṁ no syād amaṅgalaṁ mā bhūd ity etad-artham ||
Jīva Gosvāmī
krama-sandarbhaḥ
niryāti ity aśru-śoṣakeṇa bhayenety arthaḥ ||
Viśvanātha Cakravartī
sārārtha-darśiṇī
agārān niryāti nirgacchati sati autkaṇṭhyād dhetor udgalantaṁ sravantaṁ bāṣpam aśru nyarundhan stambhitavatyaḥ |
tatra hetuḥ—abhadraṁ no syād amaṅgalaṁ mā bhūd ity etad-artham |
atra udgalad iti śatṛ-pratyayena ud-upasargeṇa ca yatnato niruddhāny apy aśrūṇi sasrur eva kevalam aṅga-nivāraṇārthaṁ paṭāñcalena gopayāñcakrur iti labhyate ||
Baladeva Vidyābhūṣaṇa
vaiṣṇavānandinī
agārān niryāti sati autkaṇṭhyād udgalantaṁ bāṣpaṁ nyarundhan stambhayāñcakruḥ |
abhadraṁ mā bhūd ity etad-artham |
atra bāṣpa-sravo'bhūd eva, taṁ cāvaguṇṭhanenāvavrur ity arthaḥ ||
← 1.10.131.10.15 →