Premabase · Śrīmad Bhāgavatam · Canto 1 · Chapter 10
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.10.11-12
← 1.10.101.10.13 →
sat-saṅgān mukta-duḥsaṅgo hātuṁ notsahate budhaḥ |
kīrtyamānaṁ yaśo yasya sakṛd ākarṇya rocanam ||
tasmin nyasta-dhiyaḥ pārthāḥ saheran virahaṁ katham |
darśana-sparśa-saṁlāpa- śayanāsana-bhojanaiḥ ||
Translation
— translation pending —
Commentary
Śrīdhara Svāmī
bhāvārtha-dīpikā
teṣāṁ kṛṣṇa-virahāsahanaṁ kaimutya-nyāyenāha—sat-saṅgād iti dvābhyām |
satāṁ saṅgād hetor muktaḥ putrādi-viṣayo duḥsaṅgo yena saḥ |
sadbhiḥ kīrtyamānaṁ ruci-karaṁ yasya yaśaḥ sakṛd apy ākarṇya sat-saṅgaṁ tyaktuṁ na śaknoti |
darśanādibhis tasmin śrī-kṛṣṇe nyastā adhyastā dhīr yeṣāṁ te ||
11-12||
Jīva Gosvāmī
krama-sandarbhaḥ
na vyākhyātam.prīti-sandarbhaḥ 88 : sneha-sthāyi-bhāvam āha—satsaṅgād ity-ādi-caturbhiḥ |
viceluḥ (13) arhaṇādy-ānayanārtham itas tataś calanti sma |
abhadraṁ (14) yātrā-samaye duḥśakunaṁ prābhūd iti nyarundhan (14) ācchāditavatyaḥ ||
11-14||
Viśvanātha Cakravartī
sārārtha-darśiṇī
yasya yaśo'pi hātuṁ budho notsahate, tasya virahaṁ pārthāḥ kathaṁ saheran ? ity anvayaḥ |
rocanaṁ rocakam |
budhaḥ kīdṛśaḥ? sat-saṅgān mukto duḥsaṅgo yena saḥ, tena sat-saṅgaṁ vinā duḥsaṅgo mada-matsarādi-hetur nāpayāti, tad-apagamena vinā bhagavad-yaśo rocakaṁ dustyajaṁ ca na bhavatīti siddhānte dhvanitaḥ |
pārthāḥ kīdṛśāḥ ? darśanādibhis tasmin kṛṣṇe eva nyasta-dhiyaḥ ||
11-12||
Baladeva Vidyābhūṣaṇa
vaiṣṇavānandinī
yasya yaśo'pi budho hātuṁ na sahate, tasya virahaṁ pārthāḥ kathaṁ saheran ? iti sambandhaḥ |
rocanaṁ rocakaṁ |
budhaḥ kīdṛśaḥ? ity āha–sad iti |
sat-saṅgaṁ vinā mada-matsarādi-hetur duḥsaṅgo nāpagacchati |
tad-apagamaṁ vinā tad yaśo rocakaṁ dustyajaṁ ca na syād iti bhāvaḥ ||
pārthāḥ kīdṛśāḥ? darśanādibhis tasmin nyasta-dhiyaḥ ||
11-12||
← 1.10.101.10.13 →