nirharaṇādīni saṁskārān |
samparetasya iti nitya-pārṣade bhīṣme vasoḥ praveśāt tasyaiva deha-tyāgo bhagavatā darśitaḥ |
yāvad adhikāram avasthitir ādhikārikāṇāṁ [ve.sū. 3.3.33] iti nyāyena tasyaivāṁśena vasutve ca sthitir bhagaval-loke prāptiś ca |
ataḥ samyak paraṁ parameśvaram itasya prāptasyeti vyākhyeyam |
tasya sarveṣu lokeṣu kāma-caṛo bhavati [chā.u. 7.25.2] iti mukti-viśeṣa-pratipādaka-śruteḥ |
nitya-pārṣada-bhūtasya bhīṣmasya tv aprakaṭa-līlāyāṁ pārthasārathi-prāptir uktaiva |
ata eva tatra so’ntaḥ śvāsaḥ prāṇo yasya tathā-bhūtaḥ sann upāramat prakaṭa-prakāśād uparato’bhūd iti |
tatrārthaḥ sammataḥ dehaṁ tatyāja prāṇāṁs tatyājety-ādy anukter iti |
mūhūrtaṁ duḥkhita iti loka-vyavahāra-rakṣārtham ||