pārakyasya śva-śṛgālādy āhārasya |
akṣauhiṇīr iti prathamārthe dvitīyā |
tat-parimāṇaṁ ca śrī-vyāsenoktam—
akṣauhiṇī prasaṅkhyātā rathānāṁ dvija-sattamāḥ | saṅkhyā-gaṇana-tattvajñaiḥ sahasrāṇy ekaviṁśatiḥ ||
śatāny upari caivāṣṭau tathā bhūyaś ca saptatiḥ | gajānāṁ ca prasaṅkhyānam etad eva prakīrtitam | jñeyaṁ śatasahasrantu sahasrāṇi navaiva tu | narāṇām api pañcāśacchatāni trīṇi caiva hi ||
pañca-ṣaṣṭi sahasrāṇi tathāśvānāṁ śatāni ca | daśottarāṇi ṣaṭ prāhuḥ saṅkhyātattvavido janāḥ ||
etām akṣauhiṇīṁ prāhur yathāvad iha saṅkhyayā |