Śrīmad Bhāgavatam 1.8.1

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.8.1

sūta uvāca

atha te samparetānāṁ svānām udakam icchatām |
dātuṁ sakṛṣṇā gaṅgāyāṁ puraskṛtya yayuḥ striyaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

aṣṭame kupita-drauṇer astrād rakṣā parīkṣitaḥ |

śrī-kṛṣṇena stutiḥ kuntyā rājñaḥ śokaś ca kīrtyate ||

te pāṇḍavāḥ saṁparetānāṁ mṛtānāṁ gaṅgāyām udakaṁ dātuṁ sa-kṛṣṇā śrī-kṛṣṇena sahitāḥ |

striyaḥ strīḥ puras-kṛtyāgrataḥ kṛtvā |

tasmin kārye strī-puraḥsaratva-vidhānāt ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

punar brahmāstrato’rakṣat tān garbhe ca parīkṣitam |

kṛṣṇas tataś ca pṛthayā rājñaḥ śokas tathāṣṭame ||

striyaḥ puraskṛtyeti |

tasmin kārye strī-puraḥsaratva-vidhānāt ||

Baladeva Vidyābhūṣaṇa

vaiṣṇavānandinī

arakṣat pāṇḍavān drauṇer astrād-garbhe parīkṣitam |

kuntyā stutaś ca govindo rājñaḥ śokas tathāṣṭame ||

athety anantaraṁ te yudhiṣṭhirādayaḥ sarve sakṛṣṇāḥ kṛṣṇa-sahitāḥ |

udakaṁ dātuṁ striyaḥ puraskṛteti tasmin karmaṇi strī-puraḥsaratva-vidhānāt ||