Śrīmad Bhāgavatam 1.7.28

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.7.28

na hy asyānyatamaṁ kiñcid astraṁ pratyavakarśanam |
jahy astra-teja unnaddham astra-jño hy astra-tejasā ||

Translation

— translation pending —

Commentary

Śrīdhara Svāmī

bhāvārtha-dīpikā

pratyavakarśanaṁ kṛśatva-karam, nivartakam ity arthaḥ |

atas tad astra-teja unnaddham utkaṭaṁ brahmāstra-tejasaiva jahi ghātaya |

tvat-prayuktaṁ cāstraṁ tad upasaṁhṛtya svayam upaśāmyet |

yatas tvam astra-jño’si ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

tarhi vāruṇāstrādinā vahnim upaśamānīti cet tatrāha—na hy asyeti |

pratyavakarśanaṁ nivartakam |

tasmāt tvam astra-tejasā sva-prayukta-brahmāstra-tejasaiva brahmāstra-tejo jahi yato astrajño’si ||

Baladeva Vidyābhūṣaṇa

vaiṣṇavānandinī

tarhi vāruṇāstreṇa vahnim etam upaśamayeyaṁ? tatrāha—na hīti |

anyatamam āgneyādi, praty avakaryaṇaṁ nivartakaṁ, tasmād astra-tejasā brahmāstreṇaivennaddhaṁ vṛddhaṁ brahmāstratejo jahi nāśaya |

tvad astraṁ tad upasaṁhṛtya svayaṁ śāmyet, hi yatas tvam astrajño'si ||