Premabase
·
Śrīmad Bhāgavatam
·
Canto 1
· Chapter 7
Show
Sanskrit
Hindi
English
Script
IAST
देवनागरी
বাংলা
Commentary
Śrīdhara
Jīva
Viśvanātha
Baladeva
ŚB 1.7.25
← 1.7.24
1.7.26 →
tathāyaṁ cāvatāras te bhuvo bhāra-jihīrṣayā |
svānāṁ cānanya-bhāvānām anudhyānāya cāsakṛt ||
Translation
— translation pending —
Commentary
Śrīdhara Svāmī
bhāvārtha-dīpikā
tathā cānenāvatāreṇa tava sādhu-pakṣa-pāto lakṣyata ity āha—tatheti |
kiṁ bhū-bhara-haraṇaṁ mad-icchā-mātreṇa na bhavati ? tatrāha—svānāṁ jñātīnam anudhyānāya ca |
tathānanya-bhāvānām ekānta-bhaktānāṁ ca ||
Jīva Gosvāmī
krama-sandarbhaḥ
yathānye puruṣādayo’vatārās tathāyam avatāraḥ sākṣād-bhagavataḥ śrī-kṛṣṇākhyasya tavaiva prākaṭyam, parama-bhaktāyā bhuvo bhāra-jihīrṣayā jāto’py anyeṣāṁ svānāṁ bhaktānām asakṛc ca muhur anudhyānāya nija-bhajana-saukhyāya bhavati ||
[bhagavat-sandarbha 49]
Viśvanātha Cakravartī
sārārtha-darśiṇī
tathā tenaiva prakāreṇa tava vyudasta-māyaḥ sva-cin-maya-svarūpeṇa ayam avatāraḥ prāpañcika-loke prākaṭyam ||
Baladeva Vidyābhūṣaṇa
vaiṣṇavānandinī
tathā tenaiva prakāreṇa vyudastamāyena kevalena svarūpeṇa tavāyam avatāraḥ |
svānāṁ jñātīnāṁ pārṣadānāmananya-bhāvānaṁ keṣāñcit sādhakānāñ cānudhyānāya, bhū-bhārāpahāras tu saṅkalpenaiva syād iti bhāvaḥ ||
← 1.7.24
1.7.26 →