girām agocaraḥ, yato vāco nivartante [tai.u. 2.7.1] iti śruteḥ |

sarvair eva vacana-gocarī-kartum aśakyo’pi bhagavān mām āha—svīya-vacana-sausvaryaṁ śravaṇābhyāṁ mām anubhāvayāmāsa |

evaṁ nāradasya vaidha-bhaktimattvād bhagavat-saurabhya-saundarya-sausvaryāṇāṁ trayāṇām eva mādhuryāṇām anubhavaḥ sādhaka-dehe, anyeṣāṁ sarveṣāṁ tu tan-mādhuryāṇāṁ siddha-deha eva bhāvī jñeyaḥ |

śucas tad-darśanodbhūta-duḥkha-śokān praśamayan dūrīkurvan |

atra viyogautkaṇṭhyavataḥ premṇaḥ sarvathā tṛpty-abhāva-dharmatvād iva-śabdaḥ ||