sphītān janapadānatiyātaḥ san mahad vipinam adrākṣam iti cāturthenānvyaḥ |
janapādiṣu nānā-guṇa-doṣa-yukteṣu sama-dṛṣṭiḥ sangato’ham iti tātparyārthaḥ |
pura-grāma-vrajākarān—tatra purāṇi rāja-dhānyaḥ, grāmā bhṛgu-proktāḥ—
viprāś ca vipra-bhṛtyāś ca yatra caiva vasanti te | sa tu grāma iti proktaḥ śūdrāṇāṁ vāsa eva ca ||
vrajā gokulāni, ākarā ratnādy-utpatti-sthānāni, tān |
kharvaṭā giri-taṭa-grāmā bhṛgu-proktā vā —
ekato yatra tu grāmo nagaraṁ caikataḥ sthitam | miśraṁ tu kharvaṭaṁ nāma nadī-giri-samāśrayam ||
vāṭyaḥ pūga-puṣpādīnāṁ vātikās tāḥ |
vanāni svataḥ-siddha-vṛkṣānāṁ samūhāḥ |
upavanāni ropita-vṛkṣānāṁ samūhāḥ |