Śrīmad Bhāgavatam 1.6.4

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.6.4

prāk-kalpa-viṣayām etāṁ smṛtiṁ te muni-sattama |
na hy eṣa vyavadhāt kāla eṣa sarva-nirākṛtiḥ ||

Translation

— translation pending —

Commentary

Śrīdhara Svāmī

bhāvārtha-dīpikā

eṣa kalpānta-lakṣaṇaḥ kālaste smṛtiṅkathaṁ na vyavadhān na khaṇḍitavān |

aḍ-āgamābhāvas tv ārṣaḥ |

hi yata eṣa sarvasya nirākṛtir apalāpo yasmāt, saḥ ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

na vyavadhāt vyavadhāya na khaṇḍitavān |

aḍ-āgamābhāva ārṣaḥ |

nirākṛtir vināśaḥ ||

Baladeva Vidyābhūṣaṇa

vaiṣṇavānandinī

eṣa kalpānta-lakṣaṇaḥ |

vyavadhāt vyavadhāya nāpanītavān |

aḍabhāvo'trārṣaḥ ||