go-dohana-mātraṁ kālaṁ pratīkṣate, tad api na bhikṣārtham, kiṁ tu teṣām āśramaṁ gṛhaṁ tīrthī-kurvan pavitrī-kurvaṁs tasmād evaṁ-bhūto’tra vaktety āścaryam ||
Jīva Gosvāmī
krama-sandarbhaḥ
avekṣate prārabdhābhāsena, na tu atrāpy āveśeneti jñeyam |
strī-puṁ-bhidā jñānasyāpy abhāvāt |
ata eva tīrthīkurvann iti svabhāvata eva ||
Viśvanātha Cakravartī
sārārtha-darśiṇī
śukasya tena saha bahu-kālāvasthitir etad-vyākhyānurodhenaiva sambhaven nānyathety āha—sa go-dohana-mātraṁ kālaṁ bhikṣā-miṣeṇa pratīkṣate, vastutas tu teṣām āśrayaṁ tīrthīkurvan, tatratya-jīva-mātrebhyo’pi sad-gatiṁ pradātum iti bhāvaḥ ||
go-dohana-mātraṁ kālam avekṣate, tad api na bhikṣārthaṁ kintu teṣām āśramaṁ gṛhaṁ tīrthī-kurvan tad āśramasthān sarvān pāvayann iti vaktur variṣṭhatvam ||