Premabase · Śrīmad Bhāgavatam · Canto 1 · Chapter 3
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.3.23
← 1.3.221.3.24 →
ekonaviṁśe viṁśatime vṛṣṇiṣu prāpya janmanī |
rāma-kṛṣṇāv iti bhuvo bhagavān aharad bharam ||
Translation
— translation pending —
Commentary
Madhvācārya
bhāgavata-tātparyam
āveśo balabhadre |
śaṅkha-cakra-bhṛd īśeśaḥ śveta-varṇo mahā-bhujaḥ | āviṣṭaḥ śvetakeśātmā śeṣāṁśaṁ rohiṇī-sutam ||
Śrīdhara Svāmī
bhāvārtha-dīpikā
rāma-kṛṣṇāvatāram āha |
ekeneti viṁśatitama iti vaktavye ta-kāra-lopaś chando’nurodhena |
rāma-kṛṣṇāv ity evaṁ nāmanī janmanī prāpya ||
Jīva Gosvāmī
krama-sandarbhaḥ
bhagavān iti sākṣāt śrī-bhagavata evāvirbhāvo’yam, na tu puruṣa-sañjñasyāniruddhasyeti viśeṣa-pratipatty-arthaṁ tatra tasya sākṣād-rūpatvāt śrī-kṛṣṇa-rūpeṇa nijāṁśa-rūpatvād rāma-rūpeṇāpi bhāra-hāritvaṁ bhagavata evety ubhayatrāpi bhagavān aharad bharam iti śliṣṭam eva |
ato rāmasyāpy aniruddhāvatāratvaṁ pratyākhyātam |
śrī-kṛṣṇasya vāsudevatvāc chrī-rāmasya ca saṅkarṣaṇatvād yuktam eva ca tad iti ||
Viśvanātha Cakravartī
sārārtha-darśiṇī
viṁśatitama iti vaktavye ta-kāra-lopaś chando’nurodhena |
rāma-kṛṣṇāv iti nāmabhyām ity arthaḥ |
janmanī prādurbhāva-dvayaṁ prāpyety arthaḥ ||
Baladeva Vidyābhūṣaṇa
vaiṣṇavānandinī
balabhadrāvatāraṁ śrī-kṛṣṇāvatārañcāha—ekoneti |
viṁśatitame iti vācye ta-lopaś chandonurodhāt |
rāma-kṛṣṇāv iti-nāmabhyāṁ janmanī prākaṭya-dvayaṁ prāpyety arthaḥ ||
← 1.3.221.3.24 →