guroḥ plutavidhāne laghoḥ antyasya plutaprasaṅgaḥ anyena vihitatvāt .

guroḥ plutavidhāne laghoḥ antyasya plutaḥ prāpnoti .

de3vadatta .

kim kāraṇam .

anyena vihitatvāt .

anyena hi lakṣaṇena laghoḥ antyasya plutaḥ vidhīyate dūrāddhūteca iti .

na vā anantyasya api iti vacanam ubhayanirdeśārtham .

na vā eṣaḥ doṣaḥ .

kim kāraṇam .

anantyasya api iti vacanam ubhayanirdeśārtham bhaviṣyati .

anantyasya api guroḥ antyasya api ṭeḥ iti .

nanu ca etat gurvapekṣam syāt .

anantyasya api guroḥ antyasya api guroḥ iti .

na iti āha .

dvyapekṣam etat .

anantyasya api guroḥ antyasya api ṭeḥ iti