chagrahaṇam śakyam akartum .

iha kasmāt na bhavati bilvakebhyaḥ .

bhasya iti vartate .

evam api bilvakāya , atra prāpnoti .

taddhitasya iti vartate .

evam api bilvakasya vikāraḥ avayavaḥ vā bailvakaḥ , atra prāpnoti .

taddhite taddhitasya iti vartate .

evam api bilvakīyāyām bhavaḥ bailvakaḥ , bailvakasya kim cit bailvakīyam , atra prāpnoti .

na saḥ bilvakāt .

bilvakādibhyaḥ yaḥ vihitaḥ iti ucyate na ca asau bilvakaśabdāt vihitaḥ .

kim tarhi bilvakīyaśabdāt .

evam tarhi siddhe sati yat chagrahaṇam karoti tat jñāpayati ācāryaḥ bhavati eṣā paribhāṣā : sanniyogaśiṣṭānām anyatarābhāve ubhayoḥ abhāvaḥ iti .

tasmāt chagrahaṇam kartavyam chasya eva luk yathā syāt kukaḥ mā bhūt iti .