lyapi laghupūrvasya iti cet vyañjanānteṣu upasaṅkhyānam .

lyapi laghupūrvasya iti cet vyañjanānteṣu upasaṅkhyānam kartavyam .

praśamayya gataḥ .

pratamayya gataḥ .

allope ca gurupūrvāt pratiṣedhaḥ .

allope ca gurupūrvāt pratiṣedhaḥ vaktavyaḥ .

pracikīrṣya gataḥ .

lyapi laghupūrvāt iti vacanāt siddham .

lyapi laghupūrvāt iti vaktavyam .

evam api hrasvayalopāllopānām asiddhatvāt lyapi laghupūrvāt iti ayādeśaḥ na prāpnoti .

praśamayya gataḥ .

pratamayya gataḥ .

prabebhidayya gataḥ .

pracecchidayya gataḥ .

pragadayya gataḥ .

prastanayya gataḥ .

hrasvādiṣu ca uktam .

kim uktam .

samānāśrayatvāt siddham iti .

katham .

ṇau ete vidhayaḥ .

ṇeḥ lyapi ayādeśaḥ .