atha upadhāgrahaṇam anuvartate uta aho na .

kim ca ataḥ .

sani dīrghe upadhādhikāraḥ cet vyañjanapratiṣedhaḥ .

sani dīrghe upadhādhikāraḥ cet vyañjanapratiṣedhaḥ vaktavyaḥ , cicīṣati tuṣṭūṣati iti evam artham .

evam tarhi nivṛttam .

anadhikāre uktam .

kim uktam .

hanigamidīrgheṣu ajgrahaṇam iti .

na eṣaḥ doṣaḥ .

uktam etat hrasvaḥ dīrghaḥ plutaḥ iti yatra brūyāt acaḥ iti etat tatra upasthitam draṣṭavyam iti .