kimartham nañaḥ sānubandhakasya grahaṇam kriyate na nasya iti eva ucyeta .

nasya iti ucyamāne karṇaputraḥ , varṇaputraḥ iti atra api prasajyeta .

na eṣaḥ doṣaḥ .

arthavadgrahaṇe na anarthakasya iti evam etasya na bhaviṣyati .

evam api praśnaputraḥ , viśnaputraḥ iti atra api prāpnoti .

na eṣaḥ doṣaḥ .

ananubandhakagrahaṇe na sānubandhakasya iti evam etasya na bhaviṣyati .

evam api vāmanaputraḥ , pāmanaputraḥ iti atra api prāpnoti .

tasmāt sānubandhakasya grahaṇam kartavyam .

nañaḥ nalope avakṣepe tiṅi upasaṅkhyānam .

nañaḥ nalope avakṣepe tiṅi upasaṅkhyānam kartavyam .

apacasi vai tvam jālma .

akaroṣi vai tvam jālma .