kim idam evamādi anukramaṇam ādyasya yogasya viṣaye āhosvit puṃvadbhāvamātrasya .

kim ca ataḥ .

yadi ādyasya yogasya viṣaye mādhyamkīyaḥ , śālūkikīyaḥ , atra na prāpnoti .

vidhīḥ api atra na sidhyati .

kim kāraṇam .

bhāṣitapūṃśkāt anūṅ iti ucyate .

na hi etat bhavati bhāṣitapūṃśkāt anūṅ .

idam tarhi vilepikāyāḥ dharmyam vailepikam .

vidhiḥ ca siddhaḥ bhavati pratiṣedhaḥ ca na prāpnoti .

atha puṃvabhāvamātrasya viṣaye hastinīnām samūhaḥ hāstikam , jātilakṣaṇaḥ puṃvabhāvapratiṣedhaḥ prāpnoti .

evam tarhi na kopadhāyāḥ iti eṣaḥ yogaḥ puṃvabhāvamātrasya uttaram evamādi anukramaṇam ādyasya yogasya viṣaye .

na kopadhapratiṣedhe taddhitavugrahaṇam .

na kopadhapratiṣedhe taddhitavugrahaṇam kartavyam .

taddhitasya yaḥ kakāraḥ voḥ ca yaḥ kakāraḥ tasya grahaṇam kartavyam .

iha mā bhūt .

pākabhāryaḥ , bhekabhāryaḥ .