iha ke cit tasilādayaḥ ā kṛtvasucaḥ paṭhyante yeṣu puṃvadbhāvaḥ na iṣyate ke cit ca anyatra paṭhyante yeṣu puṃvadbhāvaḥ iṣyate .
tatra kim nyāyyam .
parigaṇanam kartavyam .
tasilādī tratasau .
tratasau tasilādī draṣṭavyau .
tasyām śālāyām vasati .
tatra vasati .
tasyāḥ , tataḥ , yasyām , yatra, yasyāḥ , yataḥ .
taratamapau .
taratamapau tasilādī draṣṭavyau .
darśanīyatarā darśanīyatamā .
caraḍjātīyarau .
caraḍjātīyarau tasilādī draṣṭavyau .
paṭucarī , paṭujātīyā .
kalpabdeśīyarau .
kalpabdeśīyarau tasilādī draṣṭavyau .
darśanīyakalpā , darśanīyadeśīyā .
rūpappāśapau .
rūpappāśapau tasilādī draṣṭavyau .
darśanīyarūpā , darśanīyapāśā .
thamthālau .
thamthālau tasilādī draṣṭavyau .
kayā ākṛtyā katham , yayā yathā .
dārhilau .
dārhilau tasilādī draṣṭavyau .
tasyām velāyām , tadā , tarhi .
tilthyanau .
tilthyanau tasilādī draṣṭavyau .
vṛkī vṛkatiḥ , ajathyā yūthiḥ .
śasi bahvalpārthasya .
śasi bahvalpārthasya puṃvadbhāvaḥ vaktavyaḥ .
bahvībhyaḥ dehi .
bahuśaḥ dehi .
alpaśaḥ .
tvataloḥ guṇavacanasya .
tvataloḥ guṇavacanasya puṃvadbhāvaḥ vaktavyaḥ .
paṭvyāḥ bhāvaḥ paṭutvam , paṭutā .
guṇavacanasya iti kimartham .
kaṭhyāḥ bhāvaḥ kaṭhītvam , kaṭhītā .
bhasya aḍhe taddhite .
bhasya aḍhe taddhite puṃvadbhāvaḥ vaktavyaḥ .
hastinīnām samūhaḥ hāstikam .
aḍhe iti kimartham .
śyaineyaḥ , rauhiṇeyaḥ .
yadi aḍhe iti ucyate , agnāyī devatā asya , āgneyaḥ sthālīpākaḥ , atra na prāpnoti .
iha ca prāpnoti , kauṇḍinyaḥ , sāpatnaḥ iti .
yadi punaḥ anapatye iti ucyeta .
na evam śakyam .
iha hi na syāt .
gārgyāyaṇyāḥ apatyam māṇavakaḥ gārgaḥ jālmaḥ .
astu tarhi aḍhe iti eva .
katham kauṇḍinyaḥ , sāpatnaḥ iti .
kauṇḍinye nipātanāt siddham .
kim nipātanam .
āgastyakauṇḍinyayoḥ iti .
sāpatnaśabdaḥ prakṛtayataram .
[R 613: sāpatnaḥ prakṛtyantatatvāt .
sāpatnaśabdaḥ prakṛtayataram asti .] katham agnāyī devatā asya sthālīpākasya , āgneyaḥ sthālīpākaḥ iti .
astu tarhi anapatye iti .
katham gārgaḥ jālmaḥ .
gārgāgneyau na saṃvadete .
kartavyaḥ atra yatnaḥ .
ṭhakchasoḥ ca .
ṭhakchasoḥ ca puṃvadbhāvaḥ vaktavyaḥ .
bhavatyāḥ chātrāḥ , bhāvatkāḥ , bhavadīyāḥ .
ṭhaggrahaṇam kimartham na ike kṛte ajādau iti .
na evam śakyam .
ajādilakṣaṇe hi māthitikādivat prasaṅgaḥ .
ajādilakṣaṇe hi māthikādivat prasajyeta .
tat yatha mathitam paṇyam asya māthitikaḥ iti akāralope kṛte tāntāt iti kādeśaḥ na bhavati evam iha api na syāt .