ekavat ca aluk bhavati iti vaktavyam .

kim prayojanam .

stokābhyām muktaḥ , stokebhyaḥ muktaḥ iti vigṛhya stokānmuktaḥ iti eva yathā syāt .

ekavadvcanam anarthakam .

ekavadbhāvaḥ ca anarthakaḥ .

dvibahvoḥ aluk kasmāt na bhavati .

dvibahuṣu asamāsaḥ .

dvivacanabahuvacanānām asamāsaḥ .

kim vaktavyam etat .

na hi anucyamānaṃ gaṃsyate .

uktam vā .

kim uktam .

anabhidhānāt iti .

tat ca avaśyam anabhidhānam āśrayitavyam .

ekavadvacane hi goṣucare atiprasaṅgaḥ .

ekavadvacane hi goṣucare atiprasaṅgaḥ syāt : goṣucaraḥ .

varṣābhyaḥ ca je .

varṣābhyaḥ ca je atiprasaṅgaḥ bhavati .

varṣāsujaḥ .

apaḥ yoniyanmatiṣu ca .

apaḥ yoniyanmatiṣu ca upasaṅkhyānam kartavyam .

je care ca .

je care ca atiprasaṅgaḥ bhavati .

yoni .

apsuyoniḥ .

yat .

apsavyam .

mati .

apsumatiḥ .

je .

apsujaḥ .

care .

apsucaraḥ gahvareṣṭhāḥ .