bahuvrīhau viśvasya antodāttāt sañjñāyām mitrājinayoḥ antaḥ .

bahuvrīhau viśvasya antodāttāt sañjñāyām mitrājinayoḥ antaḥ iti etat bhavati vipratiṣedhena .

bahuvrīhau viśvam sañjñāyām iti asya avakāśaḥ , viśvadevaḥ , viśvayaśāḥ .

sañjñāyām mitrājinayoḥ antaḥ iti asya avakāśaḥ kulamitram , kulājinam .

iha ubhayam prāpnoti viśvamitraḥ , viśvājinaḥ .

sañjñāyām mitrājinayoḥ antaḥ iti etat bhavati vipratiṣedhena .

antodāttaprakaraṇe marudvṛdhādīnām chandasi upasaṅkhyānam .

antodāttaprakaraṇe marudvṛdhādīnām chandasi upasaṅkhyānam kartavyam .

marudvṛdhaḥ suvayāḥ upatasthe .