kim anudāttāni padāni bhavanti ekam padam varjayitvā .

na iti āha .

pade yeṣām udāttaprasaṅgaḥ anudāttāḥ bhavanti ekam acam varjayitvā .

saḥ tarhi tathā nirdeśaḥ kartavyaḥ : anudāttāḥ pade , anudāttāḥ padasya iti vā .

na kartavyaḥ .

anudāttam padam ekavarjam iti eva siddham .

katham .

matublopaḥ atra draṣṭavyaḥ .

tat yathā puṣyakāḥ eṣām puṣyakāḥ , kālakāḥ eṣām kālakāḥ iti .

atha vā akāraḥ matvarthīyaḥ .

tat yathā tundaḥ , ghāṭaḥ iti .