ṛti hrasvāt upasargāt vṛddhiḥ vipratiṣedhena .

ṛti hrasvaḥ bhavati iti etasmāt upasargāt vṛddhiḥ bhavati vipratiṣedhena .

ṛti hrasvaḥ bhavati iti etasya avakāśaḥ khaṭva ṛśyaḥ , māla ṛśyaḥ .

upasargāt vṛddheḥ avakāśaḥ .

vibhāṣā hrasvatvam .

yadā na hrasvatvam tadā avakāśaḥ .

hrasvaprasaṅge ubhayam prāpnoti .

upārdhnoti , prārdhnoti .

upasargāt vṛddhiḥ bhavati vipratiṣedhena .

saḥ tarhi pratiṣedhaḥ vaktavyaḥ .

na vaktavyaḥ .

uktam tatra dhātugrahaṇasya prayojanam .

upasargāt ṛti dhātau vṛddhiḥ eva yathā syāt .

anyat yat prāpnoti tat mā bhūt iti .