api pradhānapūraṇīgrahaṇam .

api pradhānapūraṇīgrahaṇam kartavyam .

pradhānam yā pūraṇī iti vaktavyam .

iha mā bhūt .

kalyāṇī pañcamī asya pakṣasya kalyāṇapañcamīkaḥ pakṣaḥ .

atha iha katham bhavitavyam .

kalyāṇī pañcamī asām rātrīṇām iti .

kalyāṇīpañcamāḥ rātrayaḥ iti bhavitavyam .

ratrayaḥ atra pradhānam .

netuḥ nakṣatre upasaṅkhyānam .

netuḥ nakṣatre upasaṅkhyānam kartavyam .

puṣyanetrāḥ .

mṛganetrāḥ .

chandasi ca .

chandasi ca netuḥ upasaṅkhyānam kartavyam .

bṛhaspatinetrāḥ .

somanetrāḥ .

māsāt bhṛtipratyayapūrvapadāt ṭhajvidhiḥ .

māsāt bhṛtipratyayapūrvapadāt ṭhac vidheyaḥ .

pañcakamāsikaḥ .

ṣaṭkamāsikaḥ .

daśakamāsikaḥ .