ḍacprakaraṇe saṅkhyāyāḥ tatpuruṣasya upasaṅkhyānam nistriṃśādyartham .

ḍacprakaraṇe saṅkhyāyāḥ tatpuruṣasya upasaṅkhyānam kartavyam .

kim prayojanam .

nistriṃśādyartham .

nistriṃśāni varṣāṇi .

niścatvāriṃśāni varṣāṇi .

anyatra adhikalopāt .

anyatra adhikalopāt iti vaktavyam .

iha mā bhūt .

ekādhikā viṃśatiḥ ekaviṃśatiḥ .

dvyadhikā viṃśatiḥ dvāviṃśatiḥ .

avyayādeḥ iti vaktavyam .

iha mā bhūt .

gotriṃśat .

gocatvāriṃśat iti .

tat tarhi vaktavyam .

yadi api etat ucyate atha vā etarhi anyatra adhikalopāt iti etat na kriyate .