cvividhau abhūtatadbhāvagrahaṇam .

cvividhau abhūtatadbhāvagrahaṇam kartavyam .

iha mā bhūt .

sampadyante yavāḥ .

sampadyante śālayaḥ iti .

atha kriyamāṇe api vā abhūtatadbhāvagrahaṇe iha kasmāt na bhavati .

sampadyante asmin kṣetra śālayaḥ iti .

prakṛtivivakṣāgrahaṇam ca .

prakṛtivivakṣāgrahaṇam ca kartavyam .

samīpādibhyaḥ upasaṅkhyānam .

samīpādibhyaḥ upasaṅkhyānam kartavyam .

samīpī bhavati .

abhyāśī bhavati .

antikī bhavati .

kim punaḥ kāraṇam na sidhyati .

na hi asamīpam samīpam bhavati .

kim tarhi .

asamīpastham samīpastham bhavati .

tat tarhi vaktavyam .

na vaktavyam .

tātsthyāt tācchabdyam bhaviṣyati .