adhīṣṭabhṛtayoḥ dvitīyānirdeśaḥ anarthakaḥ tatra adarśanāt .

adhīṣṭabhṛtayoḥ dvitīyānirdeśaḥ anarthakaḥ .

kim kāraṇam .

tatra adarśanāt .

na hi asau māsam adhīṣyate .

kim tarhi muhūrtam adhīṣṭaḥ māsam tat karma karoti .

siddham tu caturthīnirdeśāt .

siddham etat .

katham .

caturthīnirdeśāt .

caturthīnirdeśaḥ kartavyaḥ .

tasmai adhīṣṭaḥ iti .

saḥ tarhi caturthīnirdeśaḥ kartavyaḥ .

na kartavyaḥ .

tādarthyāt tācchabdyam bhaviṣyati .

māsārthaḥ muhūrtaḥ māsaḥ .