lavaṇāt lugvacanānarthakyam rasavācivtāt .

lavaṇāt lugvacanam anarthakam .

kim kāraṇam .

rasavācivtāt .

rasavācī eṣaḥ lavaṇaśabdaḥ .

na eṣaḥ saṃsṛṣṭanimittaḥ .

ātaḥ ca rasavācī .

asaṃsṛṣṭe ca darśanāt .

asaṃsṛṣṭe api hi lavaṇaśabdaḥ vartate .

tat yathā .

lavaṇam kṣīram lavaṇam pānīyam iti .

saṃsṛṣṭe ca adarśanāt .

saṃsṛṣṭe api ca yadā na upalabhyate tadā āha .

alavaṇaḥ sūpaḥ alavaṇaḥ śākam iti .