amanuṣye iti kimartham .

rāṅkavakaḥ manuṣyaḥ .

raṅkoḥ amanuṣyagrahaṇānarthakyam manuṣyatatsthayoḥ vuñvidhānāt .

raṅkoḥ amanuṣyagrahaṇam anarthakam .

kim kāraṇam .

manuṣyatatsthayoḥ vuñvidhānāt .

ayam manuṣye manuṣyatatsthe ca vuñ vidhīyate .

saḥ bādhakaḥ bhaviṣyati .

evam tarhi jñāpayati ācāryaḥ amanuṣye manuṣyasthe ṣphagaṇau bhavataḥ iti .

amanuṣye manuṣyasthe ṣphagaṇoḥ jñāpakam iti cet na aniṣṭatvāt .

amanuṣye manuṣyasthe ṣphagaṇoḥ jñāpakam iti cet tat na .

kim kāraṇam .

aniṣṭatvāt .

na hi amanuṣye manuṣyasthe ṣphagaṇau iṣyete .

kim tarhi .

vuñ eva iṣyate .

aṇgrahanam ca kacchādibhyaḥ aṇvacanāt .

aṇgrahanam ca anarthakam .

kim kāraṇam .

kacchādibhyaḥ aṇvacanāt .

kacchādipāṭhāt atra aṇ bhaviṣyati .