kimarthaḥ ṇakāraḥ .

vṛddhyarthaḥ .

ñṇiti iti vṛddhiḥ yathā syāt .

phāṇṭāhṛtaḥ .

phāṇṭāhṛteḥ pratyayasya ṇitkaraṇānarthakyam vṛddhatvāt prātipadikasya .

phāṇṭāhṛteḥ pratyayasya ṇitkaraṇam anarthakam .

kim kāraṇam .

vṛddhatvāt prātipadikasya .

vṛddham eva etat prātipadikam .

puṃvadbhāvapratiṣedhārtham tu .

puṃvadbhāvasya pratiṣedhārthaḥ ṇakāraḥ kartavyaḥ .

phāṇṭāhṛtā bhāryā asya phāṇṭāhṛtabhāryaḥ .

vṛddhinimittasya iti puṃvadbhāvapratiṣedhaḥ yathā syāt iti .

uktam vā .

kim uktam .

gotrāt yūni astriyām iti vacanāt aprayojanam .

avaṃśyatvāt vā striyāḥ prayojanam iti .