bāhvādiprabhṛtiṣu yeṣām darśanam gotrabhāve laukike tataḥ anyatra teṣām pratiṣedhaḥ .

bāhvādiprabhṛtiṣu yeṣām darśanam gotrabhāve laukike tataḥ anyatra teṣām pratiṣedhaḥ vaktavyaḥ .

bāhoḥ apatyam bāhiḥ .

yaḥ hi bāhuḥ nāma bāhavaḥ tasya bhavati .

naḍasya apatyam nāḍāyanaḥ .

yaḥ hi naḍaḥ nāma nāḍiḥ tasya bhavati .

sambandhiśabdapratyayānām tatsadṛśāt pratiṣedhaḥ .

sambandhiśabdapratyayānām ca tatsadṛśāt pratiṣedhaḥ vaktavyaḥ .

śvaśurasya apatyam śvaśuryaḥ .

yaḥ hi śvaśuraḥ nāma śvāśuriḥ tasya bhavati .

pratyayagrahaṇena na arthaḥ .

sambandhiśabdānām tatsadṛśāt pratiṣedhaḥ iti eva .

idam api siddham bhavati .

mātṛpitṛbhyām svasā .

mātṛṣvasā .

anyā mātṛsvasā iti .